రాజస్థాన్లోని ధోల్పూర్లో 16 ఏళ్ల బాలికపై అత్యాచారానికి పాల్పడిన సస్పెండెడ్ పోలీసు కానిస్టేబుల్ను ఉత్తరప్రదేశ్లోని బృందావన్లో అరెస్టు చేశారు. నిం
రాజస్థాన్లోని ధోల్పూర్లో 16 ఏళ్ల బాలికపై అత్యాచారానికి పాల్పడిన సస్పెండెడ్ పోలీసు కానిస్టేబుల్ను ఉత్తరప్రదేశ్లోని బృందావన్లో అరెస్టు చేశారు. నిందితుడు రాంభరోస్ అలియాస్ రాజేంద్ర సిసోడియా (58) రాజస్థాన్ ఆర్మ్డ్ కానిస్టాబులరీ (ఆర్ఏసీ)లో సస్పెండ్ అయిన కానిస్టేబుల్. గతంలో పోక్సో చట్టం కింద కేసు, మహిళలపై హరాస్మెంట్ ఆరోపణలు ఎదుర్కొన్న ఈయన్ను ఉద్యోగం నుంచి సస్పెండ్ చేశారు.
డిసెంబర్ 15న ధోల్పూర్లో జరిగిన ఈ ఘటనలో, నిందితుడు బాలిక, ఆమె సోదరుడిని ఉద్యోగం ఇప్పిస్తానని మాయమాటలు చెప్పి తన ఇంటికి పిలిచాడు. సోదరుడిని మార్కెట్కు పంపించి, బాలికపై అత్యాచారానికి పాల్పడ్డాడు. బాలిక కేకలు వేయడంతో పొరుగువారు వచ్చి రక్షించారు. ప్రజలు అతన్ని పట్టుకునే ప్రయత్నం చేయగా నిందితుడు అక్కడి నుంచి పారిపోయాడు.
పోలీసులు నిందితుడి కోసం గాలింపు చేపట్టారు. అతడు అగ్రా, లక్నో, గ్వాలియర్ వంటి ప్రాంతాల్లో తలదాచుకుంటూ మారువేషాలతో తిరిగాడు. కొన్నిసార్లు ట్రాక్సూట్ లేదా జాకెట్ ధరించి వీఐపీ లేదా ఉన్నత పోలీసు అధికారిగా నటించాడు. చివరకు మహిళ వేషంలో (బుర్ఖా, లిప్స్టిక్ ధరించి) దాక్కున్న అతడిని బృందావన్లో పోలీసులు పట్టుకున్నారు.
ధోల్పూర్ సూపరింటెండెంట్ ఆఫ్ పోలీస్ వికాస్ సంగ్వాన్ మాట్లాడుతూ, “నిందితుడు నిరంతరం తన రూపాన్ని మార్చుకుంటూ పోలీసులనుంచి తప్పించుకునే ప్రయత్నం చేశాడు. చివరకు మహిళ వేషంలో ఉండగా అరెస్టు చేశాం” అని తెలిపారు.
Rajendra Sisodia, wanted in a case of rape with a minor, was found wearing Burqa and sporting lipstick to evade arrested. He was arrested from Mathura, Uttar Pradesh. pic.twitter.com/Oj7q7SHD1H
— Mohammed Zubair (@zoo_bear) December 31, 2025