భారత్ పై సుంకాలు మరింతగా పెంచుతా…నన్ను సంతోషపెట్టాలని మోడీకి తెలుసు -ట్రంప్

“అమెరికాతో భారత్ వాణిజ్య లావాదేవీలు కొనసాగిస్తోంది. భారత్ వాణిజ్య లావాదేవీలపై త్వరలో సుంకాలు పెంచుతా. భారత్ నన్ను సంతోషపెట్టాలని కోరుకుంటోంది. ప్రధాని మోదీ చాలా మంచి వ్యక్తి. నేను సంతోషంగా లేనని ప్రధాని మోదీకి తెలుసు. నన్ను సంతోషపెట్టడం భారత్‌కు చాలా ముఖ్యం”

ఈ మాటలు అన్నది అమెరికా అధ్యక్షుడు డొనాల్డ్ ట్రంప్. ఇందులో ఇండియాను బెధిరించడంతోపాటు మోడీని పొగడటం కూడా ఉన్నది. వివరాల్లోకి వెళ్తే…

అమెరికా అధ్యక్షుడు డొనాల్డ్ ట్రంప్‌కు సంబంధించిన ఒక ఆడియోను వైట్ హౌస్ సోమవారం మీడియాకు విడుదల చేసింది. ఈ ఆడియోలో ట్రంప్ భారత్-అమెరికా వాణిజ్య సంబంధాలు, రష్యన్ ఆయిల్ ఇంపోర్ట్స్ గురించి మాట్లాడుతూ, భారత్ తనను సంతోషపెట్టాలని కోరుకుంటుందని, అలా కాకపోతే సుంకాలు మరింత పెంచుతానని వార్నింగ్ ఇచ్చారు. ఈ విడుదల భారత్-అమెరికా మధ్య ఇప్పటికే ఉన్న వాణిజ్య ఉద్రిక్తతలను మరింత పెంచే అవకాశం ఉంది.

ఆడియోలో ట్రంప్ మాట్లాడుతూ, “అమెరికాతో భారత్ వాణిజ్య లావాదేవీలు కొనసాగిస్తోంది. భారత్ వాణిజ్య లావాదేవీలపై త్వరలో సుంకాలు పెంచుతా. భారత్ నన్ను సంతోషపెట్టాలని కోరుకుంటోంది. ప్రధాని మోదీ చాలా మంచి వ్యక్తి. నేను సంతోషంగా లేనని ప్రధాని మోదీకి తెలుసు. నన్ను సంతోషపెట్టడం భారత్‌కు చాలా ముఖ్యం” అని చెప్పారు. ఇది ప్రత్యక్షంగా రష్యా-ఉక్రెయిన్ యుద్ధం సందర్భంగా భారత్ రష్యా నుంచి ఆయిల్ కొనుగోలు చేయడంపై ట్రంప్ అసంతృప్తిని వ్యక్తం చేస్తుంది. ట్రంప్ మాటల్లో, “రష్యన్ ఆయిల్ ఇష్యూ పరిష్కరించకపోతే భారత్‌పై సుంకాలు మరింత పెంచవచ్చు” అని స్పష్టంగా చెప్పారు.

ట్రంప్ మాటల నేపథ్యం ఏంటంటే… రష్యా-ఉక్రెయిన్ యుద్ధం కారణంగా రష్యా ఆయిల్ కొనుగోలు చేయడం ద్వారా భారత్ రష్యాను బలపరుస్తోందని ట్రంప్ ఆరోపించారు. ఈ కారణంగా 2025 ఆగస్టులో ట్రంప్ ప్రభుత్వం భారత్‌పై 50% సుంకాలు విధించారు.అప్పటి నుంచి మోదీ-ట్రంప్ మధ్య కనీసం మూడు ఫోన్ కాల్స్ జరిగాయి, కానీ ఈ చర్చలు ఫలితాలు ఇవ్వలేదు. 2025 ఫిబ్రవరిలో ఇరు నేతలు ‘యుఎస్-ఇండియా కాంపాక్ట్’ అనే కొత్త ఇనిషియేటివ్ ప్రారంభించారు, దీని ద్వారా 2030 నాటికి ద్వైపాక్షిక వాణిజ్యాన్ని 500 బిలియన్ డాలర్లకు పెంచాలని లక్ష్యం పెట్టుకున్నారు. అయితే, ఈ లక్ష్యాలు సాధించడానికి న్యాయమైన వాణిజ్య నిబంధనలు అవసరమని ట్రంప్ పదేపదే చెబుతున్నారు.

డిసెంబర్ 2025లో మోదీ-ట్రంప్ మధ్య జరిగిన ఫోన్ కాల్‌లో వాణిజ్యం, క్రిటికల్ టెక్నాలజీలు, ఎనర్జీ, డిఫెన్స్ వంటి అంశాలు చర్చకు వచ్చాయి. అయినప్పటికీ, సుంకాలు తగ్గించడంపై ఎలాంటి ఒప్పందం జరగలేదు. ట్రంప్ తన మాటల్లో మోదీని “మంచి వ్యక్తి” అని ప్రశంసిస్తూ కూడా, భారత్ తన విధానాలను మార్చకపోతే తీవ్ర చర్యలు తీసుకుంటామని హెచ్చరించారు.

ఈ ఆడియో విడుదలతో భారత్-అమెరికా సంబంధాలు మరోసారి పరీక్షకు గురవుతున్నాయి. ట్రంప్ రెండో టర్మ్‌లో వాణిజ్య విధానాలు మరింత కఠినంగా ఉండవచ్చని విశ్లేషకులు అంచనా వేస్తున్నారు. రాబోయే రోజుల్లో ఇరు దేశాల మధ్య మరిన్ని చర్చలు జరిగే అవకాశం ఉంది.

#WATCH | On India’s Russian oil imports, US President Donald J Trump says, "… They wanted to make me happy, basically… PM Modi's a very good man. He's a good guy. He knew I was not happy. It was important to make me happy. They do trade, and we can raise tariffs on them very… pic.twitter.com/ANNdO36CZI

— ANI (@ANI) January 5, 2026