తెలంగాణ విద్యార్థులకు గుడ్ న్యూస్: జనవరి 10 నుంచి 16 వరకు సంక్రాంతి సెలవులు

తెలంగాణ రాష్ట్ర ప్రభుత్వం సంక్రాంతి పండుగ సందర్భంగా రాష్ట్రవ్యాప్తంగా అన్ని పాఠశాలలకు జనవరి 10 నుంచి జనవరి 16 వరకు సెలవులు ప్రకటించింది. ఈ సెలవులు ప్రభుత్వ, ప్రైవేటు, ఎయిడెడ్ పాఠశాలలకు వర్తిస్తాయి. జనవరి 17 నుంచి పాఠశాలలు తిరిగి ప్రారంభమవుతాయని పాఠశాల విద్యాశాఖ డైరెక్టర్ డాక్టర్ ఈ. నవీన్ నికోలస్ అధికారికంగా ఉత్తర్వులు జారీ చేశారు.

సెలవుల వివరాలు:
సెలవుల ప్రారంభం: జనవరి 10 (రెండో శనివారం)
సెలవుల ముగింపు: జనవరి 16 (కనుమ పండుగ)
మొత్తం సెలవులు: 7 రోజులు (జనవరి 10 నుంచి 16 వరకు)
పాఠశాలలు తిరిగి ప్రారంభం: జనవరి 17 (శనివారం)

ముందుగా అకడమిక్ క్యాలెండర్ ప్రకారం జనవరి 11 నుంచి 15 వరకు 5 రోజుల సెలవులు ఇవ్వాల్సి ఉండగా, జనవరి 16న కనుమ పండుగ ఐచ్ఛిక సెలవుగా ప్రకటించి సెలవులను పొడిగించారు. జనవరి 10 రెండో శనివారం కావడం, 11 ఆదివారం రావడంతో విద్యార్థులకు వరుసగా 7 రోజుల సెలవులు లభిస్తున్నాయి.సంక్రాంతి పండుగ సందర్భంగా:జనవరి 14: భోగి
జనవరి 15: మకర సంక్రాంతి
జనవరి 16: కనుమ

ప్రైవేటు పాఠశాలలు సెలవుల సమయంలో స్పెషల్ క్లాసులు నిర్వహించకూడదని విద్యాశాఖ హెచ్చరిక జారీ చేసింది. ఉల్లంఘిస్తే కఠిన చర్యలు తీసుకుంటామని హెచ్చరించింది.ఈ సెలవులు జూనియర్ కాలేజీలకు (ఇంటర్మీడియట్) కూడా వర్తిస్తాయి. ఇంటర్ విద్యార్థులు సెలవుల అనంతరం ప్రాక్టికల్ పరీక్షలకు సిద్ధంగా ఉండాలని ఇంటర్మీడియట్ బోర్డు సూచించింది.