నమ్మకద్రోహం పెరిగింది ‍- డీజీపీ శివధర్ రెడ్డి

తెలంగాణ రాష్ట్రంలో 2025 సంవత్సరంలో మొత్తం నేరాల సంఖ్య 2.33 శాతం తగ్గిందని డీజీపీ బి. శివధర్ రెడ్డి వెల్లడించారు. డిసెంబర్ 30, 2025న జరిగిన ప్రెస్ మీట్‌లో 2025 వార్షిక పోలీసు నివేదికను విడుదల చేస్తూ ఈ వివరాలు పంచుకున్నారు. 2024లో 2,34,158 కేసులు నమోదు కాగా, 2025లో 2,28,695 కేసులకు తగ్గాయి. ఐపీసీ, బీఎన్‌ఎస్ కేసులు 1,69,477 నుంచి 1,67,018కి తగ్గాయి.

తగిన్నవి:
హత్యలు , అత్యాచారాలు , దోపిడీలు , అల్లర్లు , కిడ్నాపింగ్లు, దొంగతనాలు,మోసాలు తగ్గాయని నమ్మక ద్రోహాలు మాత్రం పెరిగాయని డీజీపీ తెలిపారు.

పెరిగినవి:
మాదక ద్రవ్యాల కేసులు పెరిగాయి ,రోడ్డు ప్రమాదాలు 5.68% పెరిగాయి , కానీ మరణాలు 7.9% తగ్గాయి.
హైదరాబాద్ కమిషనరేట్పరిధిలో క్రైం రేట్ 15% తగ్గింది, అత్యాచారాలు 31% తగ్గాయి, సైబర్ క్రైమ్ 8% తగ్గింది.

శాంతిభద్రతలు:
రాష్ట్రంలో శాంతిభద్రతలు బాగున్నాయని, హింసాత్మక నేరాలు, మావోయిస్ట్, మతపరమైన, టెర్రర్ కార్యకలాపాలు నియంత్రణలో ఉన్నాయని శివధర్ రెడ్డి తెలిపారు. శ్రీరామనవమి, బోనాలు, గణేశ్ చతుర్థి, ఈద్-ఉల్-ఫిత్ర్, మొహర్రం వంటి పండుగలు శాంతియుతంగా జరిగాయన్నారు.
మావోయిస్ట్ సరెండర్లు: 2025లో 509 మావోయిస్ట్ క్యాడర్లు లొంగిపోయారు (ఇద్దరు సెంట్రల్ కమిటీ, 11మంది స్టేట్ కమిటీ సభ్యులు ), ఇందులో 483 చత్తీస్‌గఢ్ నుంచి, 24 తెలంగాణ నుంచి.

డీజీపీ శివధర్ రెడ్డి ప్రెస్ మీట్‌లో ప్రాక్టివ్ పోలీసింగ్, మెరుగైన ఇన్వెస్టిగేషన్, డేటా-డ్రివెన్ క్రైం అనాలిసిస్ వంటి చర్యలు నేరాల తగ్గుదలకు కారణమని పేర్కొన్నారు.